10 اے خداوند! تو اتنی دور کیوں کھڑا رہتا ہے ؟
    کہ مصیبت میں مبتلا لوگ تجھے نہیں دیکھ سکیں۔
² شریر اور مغرور بُرے منصوبے بناتے ہیں۔
    وہ غریب لوگوں کو اذیتیں دیتے ہیں۔
³ کیوں کہ شریر لوگ اپنی خواہشات پر فخر کر تے ہیں۔
    اس طرح وہ دکھا تے ہیں کہ وہ خداوند کو کوستے اور حقیر سمجھتے ہیں۔
⁴ شریر لوگ اتنے متکبّر ہو تے ہیں کہ وہ خدا کی مدد نہیں لیتے۔
    وہ گھناؤ نے منصوبے بناتے ہیں۔ وہ ایسا عمل کرتے ہیں جیسے خدا کی کو ئی ہستی ہی نہیں۔
⁵ شریر لوگ ہمیشہ بُرا عمل کرتے ہیں۔
    وہ خدا کے احکام اور تعلیمات پر توجہ نہیں دیتے۔
    اے خدا، تیرے سبھی دشمن تیرے حکم کو نظر انداز کرتے ہیں۔
⁶ وہ اپنے دل میں سوچتے ہیں، کہ بُری بات اُن کے ساتھ کبھی نہ ہو گی۔
    وہ کہا کرتے ہیں، “ پُشت در پُشت اُن پر کبھی مصیبت نہیں آئے گی۔”
⁷ ایسے شریر لوگوں کا مُنہ لعنت و دغا اور ظلم سے پُر رہیگا۔
    شرارت اور بدی اُن کی زبان پر ہے۔
⁸ ایسے لوگ خفیہ جگہوں میں چھپے رہتے ہیں،
    اور لوگوں کو پھانسنے کی کو شش کرتے ہیں۔
    وہ لوگوں کو نقصان پہنچا نے کے لئے چھپے رہتے ہیں اور معصوم لوگوں کا قتل کرتے ہیں۔
⁹ شریر لوگ شیروں کی مانند ہو تے ہیں جو اپنے شکار کو پکڑتے ہیں۔
    وہ غریبوں کو پکڑ نے کے لئے چھپ کر انتظار کر تے ہیں، اور وہ اُن کو اپنے جال میں پھنسا لیتے ہیں۔
¹⁰ شریر لوگ ہمیشہ غریب اور محتاج لوگوں کو صدمہ پہنچاتے ہیں۔
¹¹ پس وہ غریب لوگ سوچنے لگتے ہیں، “ خدا نے ہم لوگوں کو بھلا دیا ہے !
    خدا ہم لوگوں سے مستقل طور پر دُور چلا گیا ہے۔ وہ کبھی نہیں دیکھتا ہے کہ ہم لوگوں کے ساتھ کیا ہو رہا ہے۔”

¹² اے خداوند! اُٹھ اور کچھ کر!
    اے خدا!شریروں کو سزا دے، اور ان غریبوں کو مت بھول۔

¹³ شریر لوگ خدا کے مخالف کیوں ہو تے ہیں؟
    کیوں کہ وہ سوچتے ہیں کہ خدا اُنہیں کبھی سزا نہیں دے گا۔
¹⁴ ا ے خدا! تو یقیناً اُن لوگوں کو دیکھتا ہے جو بے رحم اور بُرے ہیں، جن کو شریر لوگ کیا کر تے ہیں۔
    اِن با توں کو دیکھ کچھ کر!
غمزدہ لوگ مدد کے طلبگار ہیں۔
    اے خداوند! تو ہی یتیموں کا مددگار ہے پس اُن کی حفا ظت کر۔

¹⁵ اے خداوند ! شریر کا بازو توڑ دے۔
¹⁶ خداوند ابدی بادشاہ ہے!
    غیر ملکی اپنی ز مین سے غائب ہو گئے۔ خدا انہیں چھو ڑنے پر مجبور کیا۔
¹⁷ اے خداوند، غریب لوگ جو چاہتے ہیں وہ تو نے سن لیا۔
    ان کی فریادیں سن اور جو وہ مانگتے ہیں انہیں پو را کر۔
¹⁸ اے خدا وند !یتیم بچّوں کا تو انصاف کر۔ غمزدہ لوگوں کو مزید غم سے چھٹکارا دلا۔
    شریر لوگوں کو یہاں ٹھہر نے کے لئے خوفزدہ کر۔