116 جب خدا وند میری دعائیں سنتا ہے ،
    میں اُسے خُوش کر تا ہوں۔
² میں حُوش ہوں جب میں مدد کے لئے اُسکو پکارتا ہوں
    اور وہ میری سنتا ہے۔
³ میں لگ بھگ مر چکا تھا ، مجھے چا رو ں طرف سے موت کی رسیّوں نے جکڑ لیا تھا۔
    قبر مجھ کو نگل رہی تھی۔ میں خوف زدہ اور فکر مند تھا۔
⁴ تب میں نے خدا وند کے نام کو پکارا ،
    میں نے کہا، “خدا وند مجھ کو بچا لے ”
⁵ خدا وند اچّھا اور کریم ہے۔
    ہمارا خدا وند رحیم ہے۔
⁶ خدا وند بے بس لوگوں کی مدد اور اُنکی حفاظت کرتا ہے۔
    میں بے بس تھا ،لیکن خدا وند نے مجھے بچا لیا۔
⁷ اے میری روح مطمئن رہ !
    خدا وند تیری دیکھ بھال کر تا ہے۔
⁸ اے خدا تُو نے میری رُوح کو موت سے بچا یا۔
    میرے آنسوؤں کو تو نے روکا اور گر نے سے مجھ کو تو نے بچا لیا۔
⁹ زِندوں کی زمین پر
    میں خدا وند کی خد مت کرتا رہوں گا۔

¹⁰ میں تب بھی ایمان رکھونگا
    جب میں کہوں گا:میں تباہ ہو گیا ہوں۔”
¹¹ میں نے جلد بازی میں کہا ،
    “سبھی لوگ جھو ٹے ہیں۔ ”
¹² میں بھلا خْدا وند کو کیا دے سکتا ہوں۔
    میرے پاس جو کچھ ہے ،وہ سب خدا وند کا دیا ہوا ہے۔
¹³ میں اُسے مئے کا نذرانہ دونگا کیوں کہ اس نے مجھے بچایا ہے۔
    میں خدا کے نام کو پکاروں گا۔
¹⁴ میں نے جو کچھ منّتوں کا وعدہ کیا تھا وہ سبھی میں خدا وند کو دونگا ،
    اُس کے سبھی لوگوں کے سامنے اب جاؤں گا۔
¹⁵ خدا وند کی نگاہ میں اس کے سچے لوگوں کی موت گراں قدر ہے۔
    اے خدا وند میں تو تیرا ایک خادم ہوں۔
¹⁶ میں تیرا بندہ ہوں۔ میں تیری کسی ایک خادمہ عورت کا بیٹا ہوں۔
    خداوند تُو نے ہی مجھ کو میرے بندھنوں سے آزاد کیا۔
¹⁷ میں تیرے سامنے شکر گزاری کے نذرا نے پیش کروں گا
    میں خدا کے نام کو پکاروں گا۔
¹⁸ میں خدا وند کے حُضور اپنی منّتیں
    اُس کی ساری قوم کے سامنے پو ری کروں گا۔
¹⁹ میں خدا کی ہیکل میں جاؤں گا
    جو یروشلم میں ہے۔ خدا وند کی حمد کرو۔