² خدا کہتا ہے ، “ میں نے فیصلے کا وقت متعین کر لیا ہے۔
    میں راستی سے فیصلہ کروں گا۔
³ زمین اور زمین کی ہر شئے ڈگمگا سکتی ہے۔
    اور گر نے کو تیار ہوسکتی ہے۔ لیکن میں ہی اسے برقرار رکھ سکتا ہوں۔”

^4-5 “بعض لوگ بہت ہی مغرور ہو تے ہیں۔
    وہ سوچتے رہتے ہیں کہ وہ بہت طاقتور اور اہم ہیں۔
لیکن میں اُن لوگوں کو بتا دوں گا،
    “ ڈینگ مت ہانکو!” اتنے مغرور مت بنے رہو!”
⁶ اس زمین پر ایسی کو ئی قوّت نہیں ہے
    جو انسان کو ادنیٰ سے اعلیٰ بنا سکتی ہے۔
⁷ خدا حاکم ہے۔ خدا ہی یہ فیصلہ کر تا ہے کہ کون شخص عظیم ہو گا۔
    خدا ہی کسی شخص کو سرفرازی بخشتا ہے ، اور کسی دوسرے کو پستی میں پہنچا تا ہے۔
⁸ خدا ، شریروں کو سزا دینے کے لئے تیار ہے۔
    خداوند کے پاس زہر ملی ہو ئی شراب ہے۔
خدا اس شراب (سزا) کو اُنڈیلتا ہے ،
    اور شریر لوگ اسے آخری بُوند تک پیتے ہیں۔
⁹ میں لوگوں سے ان باتوں کا ہمیشہ ذکر کروں گا۔
    میں اسرائیل کے خدا کی مدح سرائی کروں گا۔
¹⁰ میں شریر لوگوں کی قوّت کو چھین لوں گا ،
    اور میں نیک لوگوں کو قوّت دوں گا۔