⁷ لیکن اے خدا وند !تیری عظیم شفقت سے میں تیرے گھر آیا۔
    اے خدا وند مجھے تیرا ڈر ہے ،اے خدا وند میں نے تیرے مقدس گھر کی جانب خوف و تعظیم سے سجدہ کیا۔
⁸ اے خدا وند لوگ مجھ پر نظر رکھتے ہیں یہ دیکھنے کے لئے کہ مجھ سے کئی غلطیاں ہوں گی
    اس لئے خدا تیری نظر میں جو ٹھیک ہے اس پر چلنے کے لئے میری مدد کر
    اور تیری راہ پر چلنے میں میرے لئے آسا نی پیدا کر۔
⁹ وہ لوگ سچ نہیں بولتے۔ وہ دروغ گو ہیں۔
    جو سچّائی کو توڑ مروڑ دیتے ہیں۔
انکاحلق کھلی قبروں کی مانند ہے۔
    وہ اپنی زبان سے خوشا مد کر کے دوسروں کو اپنے جال میں پھانس لیتے ہیں۔
¹⁰ اے خدا !انہیں سزا دے۔
    اُنکو اپنے ہی جالوں میں پھنسنے دے۔
انہوں نے تیرے خلاف بغاوت کی۔
    اس لئے اُنکو سزا دے اُنکے بہت سے جُرموں کے لئے جو وہ کئے ہیں۔
¹¹ لیکن ان لوگوں کو خوش رہنے دے جو خدا پر توکّل کر تے ہیں۔ اُنہیں ہمیشہ خوش رہنے دے۔
    کیوں کہ تو انکی حمایت کر تا ہے۔ جو تیرے نام سے محبت رکھتے ہیں وہ تجھ میں شادماں رہیں۔
¹² اے خدا وند ،جب بھی تو نیک لوگوں کو برکت عطا کر تا ہے
    تو تُو ایک بڑی سِپر کی مانند اُنکی حفاظت کر تا ہے۔