زەبوورەکان 97

Kurdi Sorani Standard

⁷ ئەوانەی پەیکەر دەپەرستن شەرمەزار دەبن،
    ئەوانەی شانازی بە بت دەکەن.
    ئەی هەموو خوداوەندەکان، کڕنۆشی بۆ ببەن.

⁸ سییۆن بیستی و شادمان بوو،
    کچانی یەهودا دڵخۆش بوون،
    بە حوکمەکانت، ئەی یەزدان.
⁹ چونکە ئەی یەزدان، لەسەر هەموو زەوی تۆ هەرەبەرزی.
    لەسەر هەموو خوداوەندەکان زۆر بەرزبوویتەوە.
¹⁰ دۆستانی یەزدان ڕقیان لە بەدکاری دەبێتەوە،
    گیانی خۆشەویستانی دەپارێزێت،
    لە دەست خراپەکاران دەربازیان دەکات.
¹¹ ڕووناکی بۆ ڕاستودروستان چێنراوە،
    شادی بۆ دڵڕاستەکان.
¹² ئەی ڕاستودروستان، بە یەزدان شاد بن،
    ستایشی ناوە پیرۆزەکەی بکەن.