ہوسیع 12

Urdu Bible: Easy-to-Read Version

خداوند اسرائیل کے خلاف ہے

12 افرائیم ہوا کی نگہبانی کر تا ہے۔اسرائیل سارادن ہوا کے پیچھے بھا گتا رہتا ہے۔ لوگ زیادہ سے زیادہ جھوٹ بولتے رہتے ہیں۔ اور زیادہ سے زیادہ چو ری کر تے رہتے ہیں وہ اسور کے ساتھ معاہدہ کر تے ہیں۔ وہ لوگ اپنے مسح کا تیل خراج تحسین کے طور پر مصر بھیجتے ہیں۔

² خداوند کہتا ہے، “اسرائیل کے مخالف میں میری ایک بحث ہے۔یعقوب کو اس کے کام کے لئے سزادینی چاہئے۔ اسے اس کے بُرے اعمال کے مطابق سزادی جا ئیگی۔ ³ ابھی یعقوب اپنی ماں کے رحم میں ہی تھا کہ اسنے اپنے بھا ئی کے ساتھ چال بازیاں شروع کردیں۔ یعقوب ایک طاقتور نوجوان تھا اور اس وقت اس نے خدا سے لڑائی کی۔ ⁴ یعقوب نے خدا کے فرشتے کے ساتھ کشتی لڑا ^[a] اور وہ جیت گیا۔اس نے رو کر مناجات کی۔ یہ بیت ایل میں ہوا تھا۔اسی جگہ پر اس نے اس سے بات چیت کی تھی۔ ⁵ ہاں خداوند فوجو ں کا خدا ہے۔اس کانام خداوند ہے۔ ⁶ اس لئے اپنے خدا کی جانب لوٹ آؤ۔اس کے لئے سچے بنو۔ بہتر عمل کرو۔اپنے خدا پر ہمیشہ بھروسہ رکھو۔

⁷ “ کنعان ایک سوداگر ^[b] ہے۔ وہ اپنے دوستوں تک کو دھو کہ دیتا ہے۔اس کی ترازو دغا کر تی ہے ⁸ افرائیم نے کہا، ’میں دولتمند ہوں! اور میں نے بہت سا مال حاصل کیا ہے۔ میرے بدکرداری کا کسی شخص کو پتا نہیں ہے۔ میرے گنا ہو ں کو کو ئی شخص نہیں جان پا ئے گا۔‘

⁹ “لیکن میں تو تبھی سے تمہارا خداوند خدا رہا ہوں جب تم مصر کی زمین پر ہوا کر تے تھے۔ میں تجھے خیموں میں ویسے ہی رکھونگا جیسے تو خیمٴہ اجتماع کے دنوں رہا کر تا تھا۔ ¹⁰ میں نے نبیوں سے بات کی اور رو یا پر رویا دکھا ئی۔ میں نے نبیوں کے وسیلہ سے تشبیہات استعمال کیں۔ ¹¹ لیکن جلعاد میں پھر بھی بدکرداری ہے۔ وہاں ہر جگہ بُت تھے جلجا ل میں لوگ بیلوں کی قربانیاں پیش کر تی تھیں۔ انکی کئی قربان گا ہیں ٹیلوں کے لکیروں کی مانند تھیں۔

¹² “یعقوب ارام کی جانب بھاگ گیا تھا۔ اس جگہ پر اسرائیل (یعقوب ) نے بیوی کے لئے مزدوری کی تھی۔ دوسری بیوی حاصل کر نے کے لئے اس نے مینڈھے رکھ چھو ڑے تھے۔ ¹³ لیکن خداوند نے ایک نبی کے وسیلہ سے اسرائیل کو محفوظ رکھا۔ ¹⁴ لیکن افرائیم نے خداوند کو بہت زیادہ غضبناک کر دیا۔ افرائیم کا خونی جُرم انکے اوپر ہو گا۔اس کا خداوند اس کے سر پر اسکی شرمندگی لا ئے گی۔”