جھو ٹے خدا وند بیکار ہیں

46 بل اور نبو ^[a] جھکتا ہے۔ ان کے بت جانوروں پر لدے ہوئے ہیں۔

جو چیزیں تم جلوس میں اٹھا ئے پھر تے تھے آج تھکے ہوئے چو پا یوں پر بھا ری بوجھ کے طور پر لدی ہیں۔ ² ان سبھی جھو ٹے خدا ؤں کو جھکا دیا جائے گا۔ یہ بچ کر کہیں بھاگ نہیں سکیں گے۔ ان سبھی کو قیدیوں کی طرح لے جا یا جائیگا۔

³ “اے یعقوب کے گھرانے میری سن اے بنی اسرائیلیو جو ابھی زندہ ہو ، سنو! میں تمہیں اٹھا ئے ہوئے ہوں۔ میں اس وقت سے اٹھا ئے ہوئے ہوں جب تم اپنی ماں کے رحم میں ہی تھے۔ ⁴ میں تمہیں تب سے اٹھا ئے ہوئے ہوں جب سے تمہارا جنم ہوا ہے اور میں تمہاری تب بھی مدد کیا کروں گا جب تم بوڑھے ہو جاؤ گے ، تمہارے بال سفید ہو جائیں گے۔ کیوں کہ میں نے تمہاری تخلیق کی ہے۔ میں ہی تمہیں لے چلوں گا اور رہائی دوں گا۔

⁵ “کیا تم کسی سے بھی میرا موازنہ کر سکتے ہو ؟ نہیں ! کوئی بھی شخص میرے جیسا نہیں ہے۔ میرے برابری کا کچھ بھی نہیں ہے۔ ⁶ کچھ لوگ سونے اور چاندی رکھنے کی وجہ سے دولتمند ہیں۔ وہ سنار کو بھا ڑے پر بلا تے ہیں اور سونا یا چاندی سے ایک خدا وند بنواتے ہیں۔ پھر وہ لوگ اسے جھو ٹے خدا وند کے آگے سجدہ کرتے ہیں اور اسکی پرستش کر تے ہیں۔ ⁷ وہ لوگ جھو ٹے خدا ؤں کو اپنے کندھوں پر رکھ کر لے چلتے ہیں۔ لوگ اس جھو ٹے خدا وند کو اسکی جگہ پر نصب کر تے ہیں۔ وہ اپنی جگہ سے ہل نہیں سکتا ہے۔ اور کوئی شخص اسکے سامنے چلا ئے تو وہ جواب نہیں دے سکتا ہے۔ وہ کسی کو بھی مصیبت سے نہیں چھڑا سکتا۔

⁸ “تم لوگوں نے گناہ کیا ہے۔ تمہیں ان باتوں کو پھر سے یاد کرنا چاہئے۔ ان باتوں کو یاد کرو تاکہ تم بہادر بن سکتے ہو۔ ⁹ ان باتوں کو یاد کرو جو بہت پہلے ہوئی تھیں۔ یاد رکھو کہ میں خدا ہوں ! کوئی اور دوسرا خدا نہیں ہے۔ میں خدا ہوں اور میرے جیسا کوئی دوسرا نہیں ہے۔

¹⁰ “ آغاز میں میں نے تمہیں ان باتوں کے بارے میں بتا دیا تھا جو آخر میں ہوں گی۔ بہت پہلے سے ہی میں نے تمہیں وہ باتیں بتا دی ہیں جو ابھی ہوئی نہیں ہیں۔ جب میں کسی بات کا کوئی منصوبہ بنا تا ہوں ، تو وہ یقیناً ہوتی ہے۔ میں وہ سب کچھ کروں گا جس کو کرنے کا میں نے فیصلہ کیا ہے۔ ¹¹ دیکھو! مشرق کی جانب سے میں ایک شخص کو بلا رہا ہوں۔ وہ شخص ایک عقاب کی مانند ہو گا۔ وہ ایک دور کے ملک سے آئے گا اور وہ ان کاموں کو کرے گا جنہیں کرنے کا منصوبہ میں نے بنا یا ہے۔ میں تمہیں کہہ چکا ہوں اور میں اسے کروں گا۔ میں نے اس کا منصوبہ بنا لیا ہے اور میں اسے پورا کروں گا۔

¹² “تم ضدّی لوگو ! تم جو نجات سے دور ہو میری بات سنو ! ¹³ میں اپنی نجات کو نزدیک لاتا ہوں۔ میں جلد ہی اپنے لوگوں کو بچاؤں گا۔ میں صیون کو نجات اور اسرائیل کو اپنا جلال بخشوں گا۔”