स्तोत्रसंहिता 41

Marathi Bible: Easy-to-Read Version

⁴ मी म्हणालो, “परमेश्वरा, माझ्यावर दया कर.
    मी तुझ्या विरुध्द पाप केले, पण मला क्षमा कर आणि मला बरे कर.”
⁵ माझे शत्रू माझ्याविषयी वाईट बोलतात.
    ते म्हणतात, “तो कधी मरेल आणि विस्मरणात जाईल?”
⁶ काही लोक मला भेटायला येतात
    परंतु त्यांच्या मनात काय आहे ते सांगत नाहीत.
ते माझ्याबद्दलची काही बातमी मिळवण्यासाठी येतात.
    नंतर ते जातात आणि त्यांच्या अफवा पसरवतात.
⁷ माझे शत्रू माझ्याबद्दलच्या वाईट गोष्टी कुजबुजतात,
    ते माझ्याविरुध्द वाईट गोष्टींच्या योजना आखतात.
⁸ ते म्हणतात, “त्याने काही तरी चूक केली
    म्हणूनच तो आजारी आहे.
    तो कधीच बरा होऊ नये अशी मी आशा करतो.”
⁹ माझा सगळ्यात चांगला मित्र माझ्याबरोबर जेवला.
    मी त्याच्यावर विश्वास ठेवला.
    पण आता तो माझ्याविरुध्द गेला आहे.
¹⁰ म्हणून परमेश्वरा, माझ्यावर दया कर.
    मला उठू दे, मग मी त्यांची परत फेड करीन.
¹¹ परमेश्वरा, माझ्या शत्रूंना मला दु:ख द्यायला संधी देऊ नकोस.
    तरच मला कळेल की तू माझा स्वीकार केला आहेस.
¹² मी निरपराध होतो आणि तू मला पाठिंबा दिला होतास.
    तू मला उभे राहू दे, मग मी सदैव तुझी चाकरी करीन.

¹³ इस्राएलाच्या देवाचा जयजयकार असो.
    तो नेहमी होता आणि नेहमी राहील.

आमेन आमेन.