“Kamasi ne Alupaadi biweddemu amaanyi,
    kubanga biwulidde amawulire amabi.
Bakeŋŋentereddwa,
    batabuddwa ng’ennyanja esiikuuse, tebasobola kutereera.
²⁴ Ddamasiko ayongobedde,
    akyuse adduke
    era okutya kumukutte;
obubalagaze n’obuyinike bimunyweezezza,
    obulumi nga obw’omukazi alumwa okuzaala.
²⁵ Lwaki ekibuga ekimanyiddwa tebakidduse,
    ekibuga mwe nsanyukira?
^26 (B)Ddala abavubuka baakyo baligwa mu nguudo,
    n’abalwanyi baakyo bonna ku olwo baakusirisibwa,”
    bw’ayogera Mukama Katonda ow’Eggye.
^27 (C)“Ndiyokya bbugwe wa Ddamasiko omuliro;
    gwakumalawo n’embiri za Benukadaadi.”