4 Kaya nga sa pagkakaroon namin ng ministeriong ^(A)ito, ayon sa aming tinanggap na kaawaan, ay hindi kami nanghihina.

² Bagkus tinanggihan namin ang mga kahiyahiyang bagay na nangatatago, na ^(B)hindi kami nagsisilakad sa katusuhan, ni nagsisigamit man na may daya ng mga salita ng Dios; kundi sa pagpapahayag ng ^(C)katotohanan ay ^(D)ipinagtatagubilin ang aming sarili ^(E)sa bawa't budhi ng mga tao sa harapan ng Dios.

³ At kung ang aming evangelio ay ^(F)natatalukbungan pa, ay may talukbong sa mga napapahamak:

⁴ Na binulag ^(G)ng dios ng sanglibutang ito ang mga pagiisip ng mga hindi nagsisisampalataya, upang sa kanila'y huwag sumilang ang kaliwanagan ng evangelio ng kaluwalhatian ni Cristo, ^(H)na siyang larawan ng Dios.

⁵ Sapagka't ^(I)hindi namin ipinangangaral ang aming sarili, kundi si Cristo Jesus na Panginoon, ^(J)at kami ay gaya ng inyong mga alipin dahil kay Cristo.

⁶ Yamang ang Dios, ang nagsabi, ^(K)Magniningning ang ilaw sa kadiliman, na siyang nagningning sa aming mga puso, upang magbigay ng liwanag ng pagkakilala sa kaluwalhatian ng Dios sa mukha ni Jesucristo.

⁷ Nguni't taglay namin ang kayamanang ito sa mga sisidlang-lupa, ^(L)upang ang dakilang kalakhan ng kapangyarihan ay maging mula sa Dios, at huwag mula sa aming sarili;

⁸ Sa magkabikabila ay ^(M)nangagigipit kami, gayon ma'y hindi nangaghihinagpis; nangatitilihan, gayon ma'y hindi nangawawalan ng pagasa;

^9 (N)Pinaguusig, gayon ma'y hindi pinababayaan; inilulugmok, gayon ma'y hindi nangasisira;

¹⁰ Laging saan ma'y ^(O)tinataglay sa katawan ang kamatayan ni Jesus, ^(P)upang ang buhay ni Jesus ay mahayag naman sa aming katawan.

¹¹ Sapagka't kaming nangabubuhay ay ^(Q)laging ibinibigay sa kamatayan dahil kay Jesus, upang ang buhay naman ni Jesus ay mahayag sa aming lamang may kamatayan.

¹² Kaya nga ang kamatayan ay gumagawa sa amin, datapuwa't ang buhay ay sa inyo.

¹³ Nguni't yamang mayroong gayon ding espiritu ng pananampalataya, na gaya ng nasusulat, ^(R)Sumampalataya ako, at kaya't nagsalita ako; kami naman ay nagsisisampalataya, at kaya't kami naman ay nangagsasalita;

¹⁴ Na aming nalalaman na ang bumuhay na maguli sa Panginoong Jesus ay siya ring bubuhay na maguli sa amin na kalakip ni Jesus, at ihaharap kaming kasama ninyo.

¹⁵ Sapagka't ang ^(S)lahat ng mga bagay ay dahil sa inyo, upang ang biyaya na ^(T)pinarami sa pamamagitan ng marami, ay siyang magpasagana ng pagpapasalamat sa ikaluluwalhati ng Dios.

¹⁶ Kaya nga ^(U)hindi kami nanghihimagod; bagama't ang aming pagkataong labas ay pahina, nguni't ^(V)ang aming pagkataong loob ay nababago sa araw-araw.

¹⁷ Sapagka't ang aming magaang kapighatian, ^(W)na sa isang sangdali lamang, ay siyang gumagawa sa amin ng lalo't lalong bigat ng kaluwalhatiang walang hanggan;

¹⁸ Samantalang kami ay nagsisitingin hindi ^(X)sa mga bagay na nangakikita, kundi sa mga bagay na hindi nangakikita: sapagka't ang mga bagay na nangakikita ay may katapusan; datapuwa't ang mga bagay na hindi nangakikita ay walang hanggan.

Kayamanan sa Sisidlang-lupa

4 Dahil dito, sa pagkakaroon namin ng ministeryong ito sa pamamagitan ng aming tinanggap na habag, kami ay hindi pinanghihinaan ng loob.

² Kundi itinatakuwil namin ang mga kahiyahiyang bagay na nakatago. Kami ay tumatangging gumawa ng katusuhan o gamitin sa pandaraya ang salita ng Diyos, kundi sa pamamagitan ng pagpapahayag ng katotohanan ay ipinapakilala namin ang aming sarili sa bawat budhi ng mga tao sa harapan ng Diyos.

³ At kahit ang aming ebanghelyo ay natatalukbungan pa, ito ay may talukbong lamang sa mga napapahamak.

⁴ Sa kanilang kalagayan, binulag ng diyos ng sanlibutang ito ang pag-iisip ng mga hindi mananampalataya, upang huwag nilang makita ang liwanag ng ebanghelyo ng kaluwalhatian ni Cristo, na siyang larawan ng Diyos.

⁵ Sapagkat hindi namin ipinangangaral ang aming sarili, kundi si Cristo Jesus bilang Panginoon, at kami ay inyong mga lingkod dahil kay Cristo.

⁶ Sapagkat^(A) ang Diyos ang nagsabi, “Magningning ang ilaw sa kadiliman,” na siyang tumatanglaw sa aming mga puso upang magbigay-liwanag sa pagkakilala sa kaluwalhatian ng Diyos sa mukha ni Jesu-Cristo.

⁷ Ngunit taglay namin ang kayamanang ito sa mga sisidlang-lupa, upang ipakita na ang nag-uumapaw na kapangyarihan ay mula sa Diyos, at hindi mula sa amin.

⁸ Sa bawat panig ay pinagmamalupitan kami, subalit hindi nadudurog, nililito subalit hindi nawawalan ng pag-asa;

⁹ pinag-uusig, subalit hindi pinababayaan; inilulugmok, subalit hindi napupuksa;

¹⁰ na laging tinataglay sa katawan ang kamatayan ni Jesus, upang ang buhay ni Jesus ay mahayag din sa aming katawan.

¹¹ Sapagkat habang nabubuhay, kami ay laging ibinibigay sa kamatayan dahil kay Jesus, upang ang buhay ni Jesus ay mahayag sa aming laman na may kamatayan.

¹² Kaya't ang kamatayan ay gumagawa sa amin, subalit ang buhay ay sa inyo.

¹³ Yamang^(B) tayo ay mayroong parehong espiritu ng pananampalataya, na ayon sa bagay na nasusulat, “Sumampalataya ako, kaya't ako ay nagsasalita,” kami rin ay sumasampalataya, kaya't kami ay nagsasalita;

¹⁴ na aming nalalaman na ang bumuhay sa Panginoong Jesus ay siya ring bubuhay sa amin na kasama ni Jesus, at dadalhin kaming kasama ninyo sa kanyang harapan.

¹⁵ Sapagkat ang lahat ng mga bagay ay alang-alang sa inyo, upang ang biyaya, habang parami nang parami ang mga taong naaabot nito, ay magparami ng pagpapasalamat sa ikaluluwalhati ng Diyos.

Pamumuhay sa Pananampalataya

¹⁶ Kaya't kami ay hindi pinanghihinaan ng loob, bagamat ang aming panlabas na pagkatao ay nabubulok, ang aming panloob na pagkatao ay binabago sa araw-araw.

¹⁷ Sapagkat inihahanda tayo nitong magaan at panandaliang kapighatian para sa walang hanggan at di-masukat na kaluwalhatian,

¹⁸ sapagkat hindi kami tumitingin sa mga bagay na nakikita, kundi sa mga bagay na hindi nakikita, sapagkat ang mga bagay na nakikita ay may katapusan, subalit ang mga bagay na hindi nakikita ay walang hanggan.