Colosas 4:11-13

Magandang Balita Biblia (with Deuterocanon)

¹¹ Kinukumusta rin kayo ni Jesus na kilala rin sa pangalang Justo. Silang tatlo lamang ang mga mananampalatayang Judio na kasama ko rito sa pangangaral tungkol sa kaharian ng Diyos, at sila'y malaking tulong sa akin.

¹² Kinukumusta^(A) rin kayo ng kasamahan ninyong si Epafras, na lingkod ni Cristo Jesus. Lagi niyang idinadalangin nang buong taimtim na kayo'y maging matatag, ganap, at lubos na panatag sa kalooban ng Diyos. ¹³ Saksi ako sa pagsisikap niya para sa inyo at sa mga nasa Laodicea at Hierapolis.