ΠΡΟΣ ΚΟΛΟΣΣΑΕΙΣ 2:1-12
SBL Greek New Testament
2 Θέλω γὰρ ὑμᾶς εἰδέναι ἡλίκον ἀγῶνα ἔχω [a]ὑπὲρ ὑμῶν καὶ τῶν ἐν Λαοδικείᾳ καὶ ὅσοι οὐχ ἑόρακαν τὸ πρόσωπόν μου ἐν σαρκί, 2 ἵνα παρακληθῶσιν αἱ καρδίαι αὐτῶν, [b]συμβιβασθέντες ἐν ἀγάπῃ καὶ εἰς [c]πᾶν πλοῦτος τῆς πληροφορίας τῆς συνέσεως, εἰς ἐπίγνωσιν τοῦ μυστηρίου τοῦ [d]θεοῦ, Χριστοῦ, 3 ἐν ᾧ εἰσιν πάντες οἱ θησαυροὶ τῆς σοφίας [e]καὶ γνώσεως ἀπόκρυφοι. 4 [f]τοῦτο λέγω ἵνα [g]μηδεὶς ὑμᾶς παραλογίζηται ἐν πιθανολογίᾳ. 5 εἰ γὰρ καὶ τῇ σαρκὶ ἄπειμι, ἀλλὰ τῷ πνεύματι σὺν ὑμῖν εἰμι, χαίρων καὶ βλέπων ὑμῶν τὴν τάξιν καὶ τὸ στερέωμα τῆς εἰς Χριστὸν πίστεως ὑμῶν.
6 Ὡς οὖν παρελάβετε τὸν Χριστὸν Ἰησοῦν τὸν κύριον, ἐν αὐτῷ περιπατεῖτε, 7 ἐρριζωμένοι καὶ ἐποικοδομούμενοι ἐν αὐτῷ καὶ [h]βεβαιούμενοι τῇ πίστει καθὼς ἐδιδάχθητε, [i]περισσεύοντες ἐν εὐχαριστίᾳ.
8 Βλέπετε μή τις ὑμᾶς ἔσται ὁ συλαγωγῶν διὰ τῆς φιλοσοφίας καὶ κενῆς ἀπάτης κατὰ τὴν παράδοσιν τῶν ἀνθρώπων, κατὰ τὰ στοιχεῖα τοῦ κόσμου καὶ οὐ κατὰ Χριστόν· 9 ὅτι ἐν αὐτῷ κατοικεῖ πᾶν τὸ πλήρωμα τῆς θεότητος σωματικῶς, 10 καὶ ἐστὲ ἐν αὐτῷ πεπληρωμένοι, ὅς ἐστιν ἡ κεφαλὴ πάσης ἀρχῆς καὶ ἐξουσίας, 11 ἐν ᾧ καὶ περιετμήθητε περιτομῇ ἀχειροποιήτῳ ἐν τῇ ἀπεκδύσει τοῦ [j]σώματος τῆς σαρκός, ἐν τῇ περιτομῇ τοῦ Χριστοῦ, 12 συνταφέντες αὐτῷ ἐν τῷ [k]βαπτισμῷ, ἐν ᾧ καὶ συνηγέρθητε διὰ τῆς πίστεως τῆς ἐνεργείας τοῦ θεοῦ τοῦ ἐγείραντος αὐτὸν [l]ἐκ νεκρῶν·
Read full chapterFootnotes
- ΠΡΟΣ ΚΟΛΟΣΣΑΕΙΣ 2:1 ὑπὲρ WH Treg NIV ] περὶ RP
- ΠΡΟΣ ΚΟΛΟΣΣΑΕΙΣ 2:2 συμβιβασθέντες WH Treg NIV ] συμβιβασθέντων RP
- ΠΡΟΣ ΚΟΛΟΣΣΑΕΙΣ 2:2 πᾶν πλοῦτος WH NIV ] πᾶν τὸ πλοῦτος Treg; πάντα πλοῦτον RP
- ΠΡΟΣ ΚΟΛΟΣΣΑΕΙΣ 2:2 θεοῦ WH Treg NIV ] + καὶ πατρὸς καὶ τοῦ RP
- ΠΡΟΣ ΚΟΛΟΣΣΑΕΙΣ 2:3 καὶ WH Treg NIV ] + τῆς RP
- ΠΡΟΣ ΚΟΛΟΣΣΑΕΙΣ 2:4 τοῦτο WH NIV ] + δὲ Treg RP
- ΠΡΟΣ ΚΟΛΟΣΣΑΕΙΣ 2:4 μηδεὶς WH Treg NIV ] μή τις RP
- ΠΡΟΣ ΚΟΛΟΣΣΑΕΙΣ 2:7 βεβαιούμενοι WH Treg NIV ] + ἐν RP
- ΠΡΟΣ ΚΟΛΟΣΣΑΕΙΣ 2:7 περισσεύοντες Treg NIV ] + ἐν αὐτῇ WH RP
- ΠΡΟΣ ΚΟΛΟΣΣΑΕΙΣ 2:11 σώματος WH Treg NIV ] + τῶν ἁμαρτιῶν RP
- ΠΡΟΣ ΚΟΛΟΣΣΑΕΙΣ 2:12 βαπτισμῷ Treg NIV ] βαπτίσματι WH RP
- ΠΡΟΣ ΚΟΛΟΣΣΑΕΙΣ 2:12 ἐκ WH Treg NIV ] + τῶν RP
ΠΡΟΣ ΚΟΛΟΣΣΑΕΙΣ 2:1-12
1550 Stephanus New Testament
2 θελω γαρ υμας ειδεναι ηλικον αγωνα εχω περι υμων και των εν λαοδικεια και οσοι ουχ εωρακασιν το προσωπον μου εν σαρκι
2 ινα παρακληθωσιν αι καρδιαι αυτων συμβιβασθεντων εν αγαπη και εις παντα πλουτον της πληροφοριας της συνεσεως εις επιγνωσιν του μυστηριου του θεου και πατρος και του χριστου
3 εν ω εισιν παντες οι θησαυροι της σοφιας και της γνωσεως αποκρυφοι
4 τουτο δε λεγω ινα μη τις υμας παραλογιζηται εν πιθανολογια
5 ει γαρ και τη σαρκι απειμι αλλα τω πνευματι συν υμιν ειμι χαιρων και βλεπων υμων την ταξιν και το στερεωμα της εις χριστον πιστεως υμων
6 ως ουν παρελαβετε τον χριστον ιησουν τον κυριον εν αυτω περιπατειτε
7 ερριζωμενοι και εποικοδομουμενοι εν αυτω και βεβαιουμενοι εν τη πιστει καθως εδιδαχθητε περισσευοντες εν αυτη εν ευχαριστια
8 βλεπετε μη τις υμας εσται ο συλαγωγων δια της φιλοσοφιας και κενης απατης κατα την παραδοσιν των ανθρωπων κατα τα στοιχεια του κοσμου και ου κατα χριστον
9 οτι εν αυτω κατοικει παν το πληρωμα της θεοτητος σωματικως
10 και εστε εν αυτω πεπληρωμενοι ος εστιν η κεφαλη πασης αρχης και εξουσιας
11 εν ω και περιετμηθητε περιτομη αχειροποιητω εν τη απεκδυσει του σωματος των αμαρτιων της σαρκος εν τη περιτομη του χριστου
12 συνταφεντες αυτω εν τω βαπτισματι εν ω και συνηγερθητε δια της πιστεως της ενεργειας του θεου του εγειραντος αυτον εκ των νεκρων
Read full chapterScripture quotations marked SBLGNT are from the The Greek New Testament: SBL Edition. Copyright © 2010 by Society of Biblical Literature and Logos Bible Software