Deuteronomio 19:16-21

Magandang Balita Biblia (with Deuterocanon)

¹⁶ Kapag ang isang taong may masamang hangarin ay nagbintang nang hindi totoo sa kanyang kapwa, ¹⁷ silang dalawa'y pupunta sa lugar na pinili ni Yahweh at haharap sa mga pari at sa mga hukom na nanunungkulan. ¹⁸ Sisiyasatin silang mabuti ng mga hukom at kapag napatunayang kasinungalingan ang bintang, ¹⁹ ang parusang hinahangad niya sa kanyang pinagbintangan ay sa kanya igagawad. Alisin ninyo ang ganyang kasamaan sa inyong sambayanan. ²⁰ Kapag ito'y nabalitaan ng lahat, matatakot silang gumawa ng ganoong kasamaan. ²¹ Huwag^(A) kayong maaawa sa ganitong uri ng tao. Kung ano ang inutang, iyon din ang kabayaran; buhay sa buhay, mata sa mata, ngipin sa ngipin, kamay sa kamay, paa sa paa.