Ekyamateeka Olwokubiri 6:4-9
Endagaano Enkadde nʼEndagaano Empya
Etteeka ly’Okwagala
4 (A)“Wulira, Ayi Isirayiri: Mukama Katonda waffe ali omu. 5 (B)Oyagalanga Mukama Katonda wo n’omutima gwo gwonna, n’omwoyo gwo gwonna, n’amaanyi go gonna. 6 (C)Amateeka gano ge nkuwa leero ogakwatanga ku mutima gwo. 7 (D)Ogayigirizanga abaana bo n’obwegendereza. Ogoogerengako bw’onoobanga otudde mu maka go, ne bw’onoobanga otambula mu kkubo, bw’onoobanga ogalamiddeko, ne bw’onoobanga ogolokose. 8 (E)Onoogasibanga ku mikono gyo, nga bwe bubonero obw’okukujjukizanga, era ogatekanga ne ku kyenyi kyo. 9 (F)Onoogawandiikanga ku myango gy’ennyumba yo, era ne ku nzigi zo.
Read full chapter
Zabbuli 119:30-32
Endagaano Enkadde nʼEndagaano Empya
30 Nonzeewo okubeera omwesigwa;
ntambulire mu ebyo bye walagira.
31 (A)Nnyweredde ku biragiro byo, Ayi Mukama,
tondeka kuswazibwa.
32 Bw’onoosumulula omutima gwange,
nnaatambuliranga mu makubo go ng’ebiragiro byo bwe biri.
Zabbuli 119:102
Endagaano Enkadde nʼEndagaano Empya
102 Sivudde ku mateeka go,
kubanga ggwe waganjigiriza.
Bayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.