Engero 9

Endagaano Enkadde nʼEndagaano Empya

^7 (G)Oyo anenya omunyoomi ayolekera kuvumwa,
    n’oyo abuulirira omukozi w’ebibi yeeretera kuvumibwa.
^8 (H)Tonenyanga munyoomi, aleme okukukyawa, naye
    nenya ow’amagezi naye anaakwagalanga.
^9 (I)Yigirizanga ow’amagezi naye aneeyongeranga okuba n’amagezi,
    yigirizanga omutuukirivu, aneeyongerangako okuyiga.

^10 (J)“Mu kutya Mukama amagezi mwe gasookera,
    era n’okumanya oyo Omutukuvu Katonda, kwe kutegeera.
^11 (K)Ku lwange oliwangaala emyaka mingi nnyo,
    era olyongerwako emyaka.
¹² Bw’obeera omugezi, amagezi go gakuyamba,
    naye bw’onyooma amagezi weerumya wekka.”

^13 (L)Omukazi omusirusiru aleekaana,
    taba na mpisa era taba na magezi!
^14 (M)Era atuula mu mulyango gw’ennyumba ye,
    ne ku ntebe mu bifo eby’ekibuga ebisinga obugulumivu,
¹⁵ ng’akoowoola abo abayitawo,
    ababa batambula amakubo gaabwe abali ku byabwe.
¹⁶ Abagamba nti, “Buli alina okumanya okutono ajje muno.”
    Era eri oyo atalina kutegeera agamba nti,
^17 (N)“Amazzi amabbe nga gawooma!
    emmere eriibwa mu kyama ng’ewooma!”
^18 (O)Naye oyo agwa mu kitimba kye tamanya nti nnyumba yakuzikirira,
    era nti abagenyi be bali mu buziba obw’emagombe.