Okuva 30:17-21

Endagaano Enkadde nʼEndagaano Empya

Ebbensani Omunaabirwa

¹⁷ Awo Mukama n’agamba Musa nti, ^18 (A)“Onookola ebbensani enaabirwamu nga ya kikomo ne ky’etuulako nga kya kikomo. Giteeke wakati w’ekyoto n’Eweema ya Mukama ey’Okukuŋŋaanirangamu; osseemu amazzi. ^19 (B)Alooni ne batabani be ge banaakozesanga okunaaba engalo zaabwe n’ebigere byabwe. ²⁰ Bwe banaabanga bagenda okuyingira mu Weema ya Mukama ey’Okukuŋŋaanirangamu, banaanaabanga amazzi, baleme okufa. Era ne bwe banajjanga ku kyoto okuweereza nga bawaayo eri Mukama ekiweebwayo ekyokye n’omuliro, ^21 (C)banaanaabanga engalo zaabwe n’ebigere byabwe, baleme okufa. Kino kinaabanga kiragiro eky’olubeerera eri Alooni n’ezzadde lye emirembe gyonna.”