“ ‘Ufuwule mawu awa akuti,
    ‘Kalanga, tsiku lafika!’
³ Pakuti tsiku layandikira,
    tsiku la Yehova lili pafupi,
tsiku la mitambo yakuda,
    tsiku lachiwonongeko cha mitundu ya anthu.
⁴ Lupanga lidzabwera kudzalimbana ndi Igupto
    ndipo mavuto adzafika pa Kusi.
Pamene anthu ambiri adzaphedwa mu Igupto,
    chuma chake chidzatengedwa
    ndipo maziko ake adzagumuka.

“ ‘Onse othandiza Igupto adzaphedwa
    ndipo kunyadira mphamvu zake kudzatheratu.
Adzaphedwa ndi lupanga
    kuyambira ku Migidoli mpaka ku mzinda wa Asiwani,’ ”
            ndikutero Ine Ambuye Yehova.
⁷ “ ‘Dziko la Igupto lidzasanduka bwinja
    kupambana mabwinja ena onse opasuka,
ndipo mizinda yake idzakhala yopasuka
    kupambana mizinda ina yonse.
⁸ Nditatha kutentha Igupto
    ndi kupha onse omuthandiza,
    pamenepo adzadziwa kuti Ine ndine Yehova.

“ ‘Ndidzagwiritsa ntchito Nebukadinezara, mfumu ya ku Babuloni
    kuti ndithetse gulu lankhondo la Igupto.
¹¹ Iye ndi gulu lake lankhondo, mtundu wa anthu ankhanza kwambiri aja
    adzabwera kudzawononga dzikolo.
Adzasolola malupanga awo kulimbana ndi Igupto
    ndipo dziko lidzadzaza ndi mitembo.
¹² Ndidzawumitsa mtsinje wa Nailo
    ndi kugulitsa dziko la Igupto kwa anthu oyipa.
Ndidzagwiritsa ntchito anthu achilendo kuti ndiwononge dzikolo
    pamodzi ndi zonse zili mʼmenemo.

“ ‘Ndidzawononga mafano
    ndi kuthetsa milungu yosema ya ku Mefisi.
Simudzakhalanso mfumu mu Igupto,
    ndipo ndidzaopseza dziko lonse.
¹⁴ Ndidzasandutsa chipululu mzinda wa Patirosi,
    ndi kutentha mzinda wa Zowani.
    Ndidzalanga mzinda wa Thebesi.
¹⁵ Ndidzakhuthulira ukali wanga pa mzinda wa Peluziumu,
    linga lolimba la Igupto,
    ndi kuwononga gulu lankhondo la Thebesi.
¹⁶ Ndidzatentha ndi moto dziko la Igupto;
    Peluziumu adzazunzika ndi ululu.
Malinga a Thebesi adzagumuka,
    ndipo mzindawo udzasefukira ndi madzi.
¹⁷ Anyamata a ku Oni ndi ku Pibeseti
    adzaphedwa ndi lupanga
    ndipo okhala mʼmizinda yake adzatengedwa ukapolo.
¹⁸ Ku Tehafinehezi kudzakhala mdima
    pamene ndidzathyola goli la Igupto;
    motero kunyada kwake kudzatha.
Iye adzaphimbidwa ndi mitambo yakuda,
    ndipo okhala mʼmizinda yake adzapita ku ukapolo.
¹⁹ Kotero ndidzalanga dziko la Igupto,
    ndipo iwo adzadziwa kuti Ine ndine Yehova.’ ”