ˈU cwiluiindyuˈ Jndaaya;
jeˈ majndaaˈ na cwiluiindyo̱ tsotyeˈ.

Meiⁿ cwii ndiiˈ tîquitso Tyˈo̱o̱tsˈom cantyja ˈnaaⁿˈ cwii ángel:
    Ja nntseixmaⁿya tsotyeeⁿ
    ndoˈ juu nntseixmaⁿ jndaaya.

⁶ Ndoˈ quia na tˈmo̱ⁿ Tyˈo̱o̱tsˈom Jnaaⁿ na ñequiicheⁿ tuiiñe nda̱a̱ nnˈaⁿ tsjoomnancue, tsoom:
    Chaˈtsondye ángeles ˈnaaⁿˈ Tyˈo̱o̱tsˈom calaˈtˈmaaⁿˈndyena juu.

⁷ Sa̱a̱ luaa ñˈoom tso Tyˈo̱o̱tsˈom cantyja ˈnaaⁿ ángeles:
    Matsˈaa na cjeendyena chaˈna jndye.
    Joona cwindyeˈntjomna no̱o̱ⁿ ndoˈ matseijomnaˈ joona chaˈna ntsaachom.

⁸ Nmeiiⁿˈ tsoom cantyja ˈnaaⁿˈ ángeles, sa̱a̱ nnom Jnaaⁿ tsoom:
    ˈU Tyˈo̱o̱tsˈom, juu cantyja na matsa̱ˈntjomˈ,
    mˈaaⁿ ndoˈ mˈaaⁿnaˈ
    juu joˈ mˈaaⁿnaˈ cantyja na matyˈiomyanaˈ.
⁹     ˈU neiⁿˈ na cwilˈa nnˈaⁿ yuu na ya, ndoˈ jeeⁿ jndoˈ natia na cwilˈana,
    Ncˈe na ljoˈ, nquii Tyˈo̱o̱tsˈom na matseitˈmaaⁿˈndyuˈ, jnda̱ tjeiiⁿˈeⁿˈ ˈU,
    ndoˈ mañequiaaⁿ na neiⁿˈtiˈcheⁿ ˈu, nchiiti ncˈiaˈ.

¹⁰ Mati matso Tyˈo̱o̱tsˈom:
    ˈU Ta, quia na jnaⁿjndyeecheⁿ chaˈtso, ˈU tqueⁿˈ tsjoomanancue;
    manncuˈtiˈ tqueⁿˈ ljo̱ˈluee.
¹¹     Chaˈtso nmeiⁿˈ nntsuunaˈ,
    sa̱a̱ ˈu mˈaaⁿˈ ndoˈ mˈaaⁿndyuˈ.
    Nleindyo joonaˈ chaˈna liaa.
¹²     Nntseilcwiindyuˈ joonaˈ chaˈxjeⁿ machˈee tsˈaⁿ ñˈeⁿ cwii liaa,
    nntseijndyoondyuˈ joonaˈ chaˈxjeⁿ tsˈaⁿ nntseijndyooñê liaⁿˈaⁿ.
    Sa̱a̱ ˈu ñecwiixjeⁿ:
    ticantycwii xuee chuˈ.

¹³ Sa̱a̱ meiⁿjom ndiiˈ tyootso Tyˈo̱o̱tsˈom nnom cwii ángel:
    Cajmaⁿˈ ñjaaⁿñe jo ntyjaaˈ tsˈo̱o̱ ntyjaya
    hasta xjeⁿ na nntsa̱ˈa nnˈaⁿ na jndoo ˈu na laˈxmaⁿna tsˈoom na ntyjo ncˈeˈ.