Juan 13:12-15

Magandang Balita Biblia (with Deuterocanon)

¹² Nang^(A) mahugasan na ni Jesus ang kanilang mga paa, muli niyang isinuot ang kanyang balabal at nagbalik sa kinaupuan niya. Sinabi niya sa kanila, “Nauunawaan ba ninyo kung ano ang ginawa ko sa inyo? ¹³ Tinatawag ninyo akong Guro at Panginoon, at tama kayo, sapagkat ganoon nga ako. ¹⁴ Kung ako ngang Panginoon at Guro ninyo ay naghugas ng inyong mga paa, dapat din ninyong hugasan ang mga paa ng isa't isa. ¹⁵ Binigyan ko kayo ng halimbawa upang inyong tularan.