Lukka 12:35-40

Endagaano Enkadde nʼEndagaano Empya

³⁵ “Mube beetegefu olw’obuweereza, era mukuume ettabaaza zammwe nga zaaka. ³⁶ Mube ng’abasajja abalindirira mukama waabwe; bw’akomawo okuva mu mbaga y’obugole, n’akonkona banguwa okumuggulirawo oluggi. ^37 (A)Balina omukisa abaddu abo, mukama waabwe baalisanga nga batunula. Ddala ddala mbagamba nti, agenda kwambala atuuze abaddu abo ku mmeeza abagabule. ³⁸ Balina omukisa abo, bw’alijja mu kisisimuka ekyokusatu, baalisanga nga batunula.

^39 (B)“Naye mutegeere kino: singa ssemaka amanya essaawa omubbi w’anaayingirira okumenya ennyumba ye, teyandiganyizza mubbi kumuyingirira. ^40 (C)Noolwekyo mubeere beetegefu. Kubanga Omwana w’Omuntu, ajjira mu kiseera kye mutamulowoolezaamu.”