Marcos 1:35-39

Ang Bagong Tipan: Filipino Standard Version

Ang Pangangaral ni Jesus sa Galilea^(A)

³⁵ Kinabukasan, madaling araw pa'y bumangon na si Jesus at lumabas na ng bahay. Nagtungo siya sa isang di-mataong lugar, at doon ay nanalangin. ³⁶ Hinanap siya ni Simon at ng mga kasamahan nito. ³⁷ Nang siya'y natagpuan nila, sinabi nilang, “Hinahanap ka ng lahat.” ³⁸ Sumagot si Jesus, “Pumunta tayo sa mga kalapit-bayan upang makapangaral din ako roon. Ito ang dahilan ng aking pagparito.” ³⁹ Kaya ^(B) nilakbay ni Jesus ang buong Galilea, na nangangaral sa mga sinagoga at nagpapalayas ng mga demonyo.