Tamandani Mulungu mʼmalo ake opatulika;
    mutamandeni ku thambo lake lamphamvu.
² Mutamandeni chifukwa cha machitidwe ake amphamvu;
    mutamandeni chifukwa cha ukulu wake wopambana.
³ Mutamandeni poyimba malipenga,
    mutamandeni ndi pangwe ndi zeze.
⁴ Mutamandeni ndi matambolini ndi kuvina,
    mutamandeni ndi zingwe ndi zitoliro.
⁵ Mutamandeni ndi ziwaya zolira za malipenga,
    mutamandeni ndi ziwaya zolira kwambiri.

⁶ Chamoyo chilichonse chopuma chitamande Yehova.

Tamandani Yehova.