Mateo 15:35-37

Ang Salita ng Dios (Tagalog Contemporary Bible)

³⁵ Pinaupo ni Jesus ang mga tao. ³⁶ Kinuha niya ang pitong tinapay at ang mga isda at nagpasalamat sa Dios. Pagkatapos, hinati-hati niya ang pagkain at ibinigay sa mga tagasunod niya, at ipinamigay naman nila ito sa mga tao. ³⁷ Kumain silang lahat at nabusog. Pagkatapos, tinipon nila ang mga natirang pagkain at nakapuno sila ng pitong basket.