Nkonimdi mpaebɔ

20 Awurade ntie wo wɔ wo haw mu! Yakob Nyankopɔn mmɔ wo ho ban! ² Ɔmma wo ne mmoa mfi n’asɔrefi ne Sion Bepɔw so. ³ Onnye w’afɔrebɔde nyinaa na ne nyinaa nsɔ n’ani. ⁴ Ɔmma wo nea ehia wo, na wo nhyehyɛe nyinaa nyɛ ye. ⁵ Na yɛateɛm adi ahurusi wɔ wo nkonimdi no ho na yɛakamfo Onyankopɔn wɔ nea wayɛ ama wo no ho. Awurade nyɛ w’abisade nyinaa mma wo.

⁶ Afei minim sɛ Awurade ma ne hene a wayi no no di nkonim. Otie no wɔ ne soro kronkron na ɔnam ne tumi so ama wadi nkonim akɛse. ⁷ Ebinom de wɔn ho to wɔn nteaseɛnam a wɔde kɔ ɔko so, na afoforo nso de wɔn ho to wɔn apɔnkɔ so, nanso yɛn de, yɛde yɛn ho to yɛn Awurade Nyankopɔn tumi so. ⁸ Saa nnipa no hintiw, hwe ase, na yɛn de, yɛbɛsɔre agyina pintinn.

⁹ Ma ɔhene nni nkonim, O Awurade; na sɛ yɛfrɛ nso a, gye yɛn so.