Okuva 23:24
Endagaano Enkadde nʼEndagaano Empya
24 (A)Tovuunamiranga bakatonda baabwe, so tobaweerezanga, era tokwatanga mpisa zaabwe, wabula obabetetaranga ddala, n’omenyaamenya n’empagi zaabwe.
Read full chapter
Okuva 34:13
Endagaano Enkadde nʼEndagaano Empya
13 (A)Olimenyaamenya ebyoto byabwe, obetente empagi zaabwe, n’otemaatema ebifaananyi byabwe ebibajje bye basinza.
Read full chapter
Ebyabaleevi 26:1
Endagaano Enkadde nʼEndagaano Empya
Emikisa Egiva mu Buwulize
26 (A)“Temwekoleranga bifaananyi oba okwesimbira ebifaananyi ebyole, oba amayinja ge muyise amatukuvu, era temuteekanga mayinja mawoole mu nsi yammwe okugavuunamiranga. Nze Mukama Katonda wammwe.
Read full chapter
Ekyamateeka Olwokubiri 7:2
Endagaano Enkadde nʼEndagaano Empya
2 (A)Mukama Katonda wo ng’amaze okugagabula mu mukono gwo, ng’obawangudde, kikugwanira obazikiririze ddala. Tokolanga nabo ndagaano, so tobakwatirwanga kisa.
Read full chapter
Ekyamateeka Olwokubiri 7:5
Endagaano Enkadde nʼEndagaano Empya
5 (A)Naye bwe muti bwe munaakolanga: Munaamenyanga ebyoto bya bakatonda baabwe, ne mwasaayasa amayinja gaabwe ge bawonga, ne mubetentabetenta empagi zaabwe eza Asera, ne mwokya bakatonda baabwe mu muliro.
Read full chapter
Ekyamateeka Olwokubiri 12:3
Endagaano Enkadde nʼEndagaano Empya
3 (A)bannaggwanga be mugenda okutwalako ensi yaabwe gye basinziza; n’amayinja gaabwe mugaasaayasanga, n’empagi zaabwe eza Asera mulizimenyaamenya ne muzookya mu muliro; n’ebibajje ebya bakatonda baabwe mubitemaatemanga n’amannya gaabwe mu bifo ebyo ne mugasanguliramu ddala.
Read full chapter
Yoswa 11:12
Endagaano Enkadde nʼEndagaano Empya
12 (A)Yoswa n’awamba ebibuga ebyo byonna ne bakabaka baabyo, n’abatta n’ebitala n’abazikiririza ddala nga Musa omuweereza wa Mukama bwe yalagira.
Read full chapter
Zabbuli 106:34-36
Endagaano Enkadde nʼEndagaano Empya
34 (A)Abantu be baalwanyisa tebaabazikiriza
nga Mukama bwe yali abalagidde,
35 (B)naye beetabika n’abannaggwanga ago
ne bayiga empisa zaabwe.
36 (C)Baasinza ebifaananyi ebikole n’emikono eby’amawanga ago
ne bibafuukira omutego.
Bayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.