10 ^(A)Bano be bazzukulu ba Nuuwa, Seemu ne Kaamu, ne Yafeesi be baazaala oluvannyuma lw’amataba.

^2 (B)Batabani ba Yafeesi:

Gomeri, ne Magogi, ne Madayi, ne Yivani, ne Tubali ne Meseki ne Tirasi.

^3 (C)Batabani ba Gomeri be bano:

Asukenaazi, ne Lifasi, ne Togaluma.

^4 (D)Batabani ba Yivani baali:

Erisa, ne Talusiisi, ne Kittimu ne Dodanimu. ⁵ (Mu bano mwe mwava abo abaabuna olubalama lw’ennyanja. Bano be batabani ba Yafeesi mu bitundu byabwe, buli bamu mu nnimi zaabwe ng’ennyumba zaabwe n’amawanga gaabwe bwe biri.)

^6 (E)Batabani ba Kaamu be bano:

Kuusi, ne Misiri, ne Puuti,^[a] ne Kanani.

⁷ Batabani ba Kuusi be bano:

Seeba, ne Kavira, ne Sabuta, ne Laama ne Sebuteka.

Batabani ba Laama baali:

Seeba ne Dedani.

⁸ Kuusi ye yazaala Nimuloodi; ye yasooka okuba omuntu ow’amaanyi ennyo ku nsi. ⁹ Yali muyizzi kkungwa, mu maaso ga Mukama, kyekyava kigambibwa nti, “Afaanana Nimuloodi omuyizzi kkungwa mu maaso ga Mukama.” ^10 (F)Obwakabaka bwe bwatandikira Baberi, ne Eneki ne Akudi ne Kalune, nga byonna bya mu nsi Sinali.^{[b] 11 (G)}Bwe yava mu nsi eyo n’agenda mu Bwasuli, n’azimba Nineeve, ne Lekobosiyira, ne Kala ne ¹² Leseni, wakati wa Nineeve ne Kala; Leseni kye kyali ekibuga ekikulu.

¹³ Mizulayimu oba Misiri ye kitaawe wa

Ludimu, ne Anamimu, ne Lekabimu, ne Nafutukimu, ^14 (H)ne Pasulusimu, ne Kasulukimu (omwava Abafirisuuti) ne Kafutorimu.

^15 (I)Kanani ye yazaala

Sidoni, omwana we omubereberye, ne Keesi, ^16 (J)n’Abayebusi, n’Abamoli, n’Abagirugaasi, ¹⁷ n’Abakiivi, n’Abaluki, n’Abasiini, ^18 (K)n’Abaluvada, n’Abazemali, n’Abakamasi n’ebika eby’omu Kanani ne babuna wonna. ^19 (L)Ekitundu kya Kanani kyava ku Sidoni, okwolekera Gerali n’okutuukira ddala e Gaza okwolekera Sodomu, ne Ggomola, ne Adima, ne Zeboyimu okutuukira ddala e Lasa.

²⁰ Abo be bazzukulu ba Kaamu, mu nda zaabwe ne nnimi zaabwe, mu bitundu byabwe ne mu mawanga gaabwe.

^21 (M)Seemu kitaawe w’abo bonna abaava mu Eberi, mukulu wa Yafeesi naye yazaalirwa abaana.

^22 (N)Abaana ba Seemu be bano:

Eramu, ne Asuli,^[c] ne Alupakusaadi, ne Ludi ne Alamu.

^23 (O)Batabani ba Alamu:

Uzi, ne Kuuli, ne Ggeseri ne Masi.

^24 (P)Alupakusaadi ye kitaawe wa^[d] Seera.

Seera ye kitaawe wa Eberi.

²⁵ Omu ku batabani ba Eberi yali Peregi,

kubanga we yazaalirwa ensi yali yeesazeemu, muganda we ye yali Yokutaani.

²⁶ Yokutaani ye yali kitaawe wa

Alumodaadi, ne Serefu, ne Kazalumaveesi, ne Yera, ²⁷ ne Kadolaamu, ne Uzali, ne Dikula, ²⁸ ne Obali, ne Abimayeeri, ne Seeba, ²⁹ ne Ofiri, ne Kavira ne Yobabu; bano bonna baali batabani ba Yokutaani.

³⁰ Ekitundu mwe baali kyava ku Mesa okwolekera Serali, okutuukira ddala ku kitundu eky’ensozi ku luuyi olw’ebuvanjuba.

³¹ Abo be bazzukulu ba Seemu, mu nnyumba zaabwe, ne mu nnimi zaabwe, ne mu bitundu byabwe ne mu mawanga gaabwe.