Font Size
Psalme 121
Reimer 2001
Psalme 121
Reimer 2001
Dee 121 Psalm
En leet fonn nehejcht gone.
1 Ekj woa miene Uage nehejcht häwe no dee Boaj; fonn wua saul miene Help kome?
2 Miene Help kjemt fonn däm Herr Gott, dee de Himmels un dee Ead muak.
3 Hee woat nijch erlaube daut dien Foot jleppe sull; dee die bewoat, woat nijch schlope.
4 See, dee Iesrael bewoat, woat nijch schlope!
5 Dee Herr Gott es dien Bewoara; dee Herr Gott es dien Schaute aun diene rajchte Haunt.
6 Dee Sonn woat die nijch stäakje bie Dach, uk nijch de Mon bie Nacht.
7 Dee Herr Gott woat die bewoare fonn aulet Beeset; Hee woat diene Seel bewoare.
8 Dee Herr Gott woat dien rut gone un dien enenn kome bewoare; fonn nu aun un wieda bott enne Eewijchkjeit.
Reimer 2001 (REIMER)
Copyright © 2001 by Elmer Reimer