² Ndizikiriza omuwala wa Sayuuni,
    omulungi oyo omubalagavu.

^3 (A)Mulindiriza olunaku olw’ekibi,
    ate ne musembeza effugabbi.
^4 (B)Mugalamira ku bitanda ebyakolebwa mu masanga
    ne muwummulira mu ntebe ennyonvu
nga muvaabira ennyama y’endiga
    n’ey’ennyana ensava.
^5 (C)Mwekubira ennanga nga Dawudi bwe yakolanga,
    ne muyiiya n’ennyimba ku bivuga.
^6 (D)Mwekatankira wayini,
    ne mwesiiga n’ebizigo ebirungi,
    naye temukaabira kubonaabona kwa Yusufu.
⁷ Noolwekyo mmwe mulisooka okugenda mu buwaŋŋanguse.
    Era embaga zammwe n’okwewummuza birikoma.