Yobu 14

Endagaano Enkadde nʼEndagaano Empya

⁷ “Wakiri waliwo essuubi ng’omuti guloka:
    Bwe gutemebwa, guloka nate,
    era ekikolo kyagwo ekiggya tekifa.
⁸ Emirandira gyagwo gyandikaddiyidde mu ttaka
    era n’ekikonge ne kifiira mu ttaka,
⁹ naye olw’emirandira okutambula ne ginoonya amazzi kimulisa
    ne kireeta amatabi ng’ekisimbe.
^10 (G)Naye omuntu afa era n’agalamizibwa,
    assa ogw’enkomerero n’akoma.
^11 (H)Ng’amazzi bwe gaggwa mu nnyanja
    oba omugga bwe gukalira ne guggwaawo,
^12 (I)bw’atyo omuntu bw’agalamira,
    era n’atasituka okutuusa eggulu bwe linaggwaawo,
    abantu tebajja kuzuukuka oba kuggyibwa mu tulo twabwe.

^13 (J)“Singa kale onkweka emagombe
    era n’onziika okutuusa obusungu bwo lwe buliggwaawo!
Singa ongerera ekiseera
    n’onzijukira!
¹⁴ Omuntu bw’afa, addamu n’abeera omulamu?
    Ennaku zange zonna ez’okuweereza
    nnaalindanga okuwona kwange kujje.
^15 (K)Olimpita nange ndikuyitaba;
    olyegomba ekitonde emikono gyo kye gyatonda.
^16 (L)Ddala ku olwo bw’olibala ebigere byange,
    naye tolyekaliriza bibi byange.
^17 (M)Ebisobyo byange biriba bisibiddwa mu kisawo;
    olibikka ku kibi kyange.

¹⁸ “Naye ng’olusozi bwe luseebengerera ne luggwaawo,
    era ng’ejjinja bwe liva mu kifo kyalyo,
^19 (N)ng’amazzi bwe gaggwereeza amayinja
    era ng’okwanjaala kwago bwe kutwala ettaka ly’oku nsi;
    bw’atyo bw’azikiriza essuubi ly’omuntu.
²⁰ Omumalamu amaanyi omuwangula lumu n’aggweerawo ddala;
    okyusa enfaanana ye n’omugoba.
^21 (O)Abaana be bwe bafuna ekitiibwa, takimanya,
    bwe bagwa, takiraba.
²² Obulamu bw’omubiri gwe bwokka bw’awulira
    ne yeekungubagira yekka.”