Zabbuli 29:3-9

Endagaano Enkadde nʼEndagaano Empya

^3 (A)Eddoboozi lya Mukama liwulirwa ku mazzi;
    Katonda ow’ekitiibwa abwatuka,
    n’eddoboozi lye ne liwulirwa ku mazzi amangi.
^4 (B)Eddoboozi lya Mukama ly’amaanyi;
    eddoboozi lya Mukama lijjudde ekitiibwa.
^5 (C)Eddoboozi lya Mukama limenya emivule;
    Mukama amenyaamenya emivule gya Lebanooni.
^6 (D)Aleetera Lebanooni okubuukabuuka ng’akayana,
    ne Siriyooni^[a] ng’ennyana y’embogo.
⁷ Eddoboozi lya Mukama
    libwatukira mu kumyansa.
^8 (E)Eddoboozi lya Mukama likankanya eddungu;
    Mukama akankanya eddungu lya Kadesi.
^9 (F)Eddoboozi lya Mukama linyoolanyoola emivule,
    n’emiti mu bibira ne gitasigalako makoola.
Mu Yeekaalu ye, abantu bonna boogerera waggulu nti, “Ekitiibwa kibe eri Mukama!”