Zabbuli 140

Endagaano Enkadde nʼEndagaano Empya

Ya mukulu w’okuyimba. Zabbuli ya Dawudi.

140 ^(A)Omponye abakola ebibi, Ayi Mukama,
    omponye abantu abakambwe;
²^(B)abateesa mu mitima gyabwe okukola ebibi;
    abanoonya entalo buli kiseera.
³^(C)Ebigambo byabwe byogi ng’ennimi z’emisota;
    ebiva mu kamwa kaabwe busagwa ng’obw’essalambwa.

⁴^(D)Onkuume abakola ebibi baleme okunkwatako, Ayi Mukama;
    omponye abantu abakambwe
    abateesa okunkyamya.
⁵^(E)Abantu ab’amalala banteze omutego;
    banjuluzza ekitimba kyabwe;
    ne batega emitego mu kkubo lyange.

⁶^(F)Nagamba Mukama nti, “Ggwe oli Katonda wange.”
    Wulira okwegayirira kwange, onsaasire, Ayi Mukama!
⁷^(G)Ayi Mukama, Mukama wange, ggw’omponya n’amaanyi go,
    ggwe engabo yange mu lutalo.
⁸^(H)Ayi Mukama, abakola ebibi tobawa bye beetaaga,
    era tokkiriza ntekateeka zaabwe kutuukirira;
    baleme kuba na malala wadde okwenyumiriza.

⁹^(I)Abanneetoolodde baleke enkwe zaabwe
    zibeekyusizeeko baboneebone.
¹⁰^(J)Amanda agaaka omuliro gabagwire;
    basuulibwe mu muliro,
    bakasukibwe mu bunnya obutakoma mwe bataliva emirembe gyonna.
¹¹^(K)Tokkiriza balimba kweyongera bungi;
    abakambwe bayigganyizibwe bazikirire.

¹²^(L)Mmanyi nga Mukama ayamba abo ababonaabona, y’ayamba abanaku okuyisibwa mu bwenkanya.
¹³^(M)Abatuukirivu banaakutenderezanga,
era w’oli we banaabeeranga.

Endagaano Enkadde nʼEndagaano Empya (LCB)

Bayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.

Zabbuli 140 Endagaano Enkadde nʼEndagaano Empya

Ya mukulu w’okuyimba. Zabbuli ya Dawudi.

Cross references

Zabbuli 140

Endagaano Enkadde nʼEndagaano Empya