“Ettaka lye Mukama Katonda aliwe omukisa,
    n’omusulo omulungi ennyo ogunaavanga waggulu mu ggulu
    n’amazzi mu nzizi empanvu mu ttaka wansi,
¹⁴ n’ebibala ebigimu ennyo ebinaavanga mu musana,
    n’amakungula aganaasinganga mu myezi gyonna;
^15 (B)n’ebibala ebinaakiranga obulungi ku nsozi ez’edda,
    n’okwala kw’ebirime ku nsozi ez’emirembe gyonna;
^16 (C)n’ebirabo ebisinga byonna mu nsi n’okujjula kwayo,
    n’obuganzi obunaavanga eri oyo ow’omu kisaka ekyaka.
Ebyo byonna ka bijjenga ku mutwe gwa Yusufu,
    mu kyenyi ky’omulangira mu baganda be.
^17 (D)Mu kitiibwa anaabanga ente ennume embereberye
    amayembe ge, ng’amayembe ga sseddume endalu;
anaagatomezanga amawanga n’agayuzaayuza,
    n’agagoberanga ku nkomerero y’ensi.
Obwo bwe bunaabanga obukumi bwa Efulayimu
    nga ze nkumi za Manase.”