1 Ebyomumirembe 2

Endagaano Enkadde nʼEndagaano Empya

^3 (A)Batabani ba Yuda baali

Eri, ne Onani ne Seera, era nnyabwe ye yali Basusuwa Omukanani.

Eri, eyali mutabani wa Yuda omukulu n’akola ebibi mu maaso ga Mukama, era Mukama n’amutta.

^4 (B)Tamali muka mwana wa Yuda, n’azaalira Yuda Pereezi, ne Zeera.

Batabani ba Yuda bonna awamu baali bataano.

^5 (C)Batabani ba Perezi baali

Kezulooni ne Kamuli.

⁶ Batabani ba Zeera baali

Zimuli, ne Esani, ne Kemani, ne Kalukoli, ne Dala, bonna awamu bataano.

^7 (D)Mutabani wa Kalumi ye yali

Akali, eyaleetera Isirayiri emitawaana kubanga yayonoona mu ebyo ebyawongebwa.

⁸ Mutabani wa Esani ye yali

Azaliya.

^9 (E)Batabani ba Kezulooni baali

Yerameeri, ne Laamu ne Kerubayi.

^10 (F)Laamu n’azaala Amminadaabu,

Amminadaabu n’aba kitaawe n’azaala Nakusoni, eyali omukulu w’ekika kya Yuda.

¹¹ Nakusoni n’azaala Saluma,

ne Saluma n’azaala Bowaazi,

^12 (G)Bowaazi ye n’azaala Obedi ate Obedi n’azaala Yese.

^13 (H)Yese n’azaala

Eriyaabu, eyali mutabani we omukulu; Abinadaabu nga ye wookubiri,

Simeeyi nga ye wookusatu, ¹⁴ Nesaneeri nga ye wookuna,

Laddayi nga ye wookutaano, ¹⁵ Ozemu n’aba ow’omukaaga,

Dawudi nga ye wa musanvu.

^16 (I)Bannyinaabwe be baali Zeruyiya ne Abbigayiri.

Batabani ba Zeruyiya baali basatu nga be ba Abisaayi, Yowaabu ne Asakeri.

^17 (J)Abbigayiri yali nnyina wa Amasa, ne Amasa n’azaala Yeseri Omuyisimayiri.

¹⁸ Kalebu mutabani wa Kezulooni n’azaala abaana mu Azuba mukyala we ate era ne mu Yeriyoosi.

Yeseri, ne Sobabu, ne Aludoni be baali abaana ba Azuba.

^19 (K)Azuba bwe yafa, Kalebu n’awasa Efulaasi, eyamuzaalira Kuuli.

^20 (L)Kuuli n’azaala Uli, Uli n’azaala Bezaleeri.

^21 (M)Oluvannyuma Kezulooni, ne yeebaka ne muwala wa Makiri kitaawe wa Gireyaadi, gwe yali afumbiddwa nga wa myaka nkaaga, n’amuzaalira Segubu.

²² Segubu n’azaala Yayiri, eyafuganga ebibuga amakumi abiri mu bisatu mu nsi ye Gireyaadi.

^23 (N)Naye Gesuli ne Alamu ne bawamba ebibuga bya Yayiri, Kenasi n’ebyalo byayo, byonna awamu byali ebibuga nkaaga.

Abo bonna be baali abazzukulu ba Makiri, kitaawe wa Gireyaadi.

^24 (O)Kezulooni ng’amaze okufa, Kalebu ne yeebaka ne maama we omuto Efulaasi eyali mukyala wa kitaawe, n’amuzaalira Asukuli, n’azaala Tekowa.

²⁵ Yerumeeri mutabani wa Kezulooni omukulu yalina batabani be bataano nga be ba

Laamu, mutabani we omukulu, ne Buna, ne Oleni, ne Ozemu ne Akiya. ²⁶ Wabula Yerumeeri yalina omukyala omulala ng’erinnya lye ye Atala, era oyo yali nnyina Onamu.

²⁷ Batabani ba Laamu mutabani omukulu owa Yerameeri baali

Maazi, ne Yamuni ne Ekeri.

²⁸ Batabani ba Onamu be baali

Sammayi ne Yada,

ate batabani ba Sammayi nga be ba

Nadabu ne Abisuli.

²⁹ Abisuli yalina omukyala erinnya lye Abikayiri, era n’amuzaalira Abani ne Molidi.

³⁰ Batabani ba Nadabu be baali

Seredi ne Appayimu, naye Seredi n’afa nga tazadde mwana.

³¹ Mutabani wa Appayimu yali

Isi, ate nga Isi ye kitaawe wa Akulayi.

³² Batabani ba Yada muganda we Sammayi be baali

Yeseri ne Yonasaani, naye Yeseri n’afa nga tazadde mwana.

³³ Batabani ba Yonasaani be baali

Peresi ne Zaza.

Abo bonna be baali bazzukulu ba Yerameeri.

³⁴ Sesani ye yalina baana ba buwala bokka,

ng’alina n’omuddu Omumisiri, erinnya lye Yala. ³⁵ Sesani n’awaayo omu ku bawala be okufuumbirwa omuddu we Yala, era omuwala n’azaala Attayi.

^36 (P)Attayi n’azaala Nasani,

ne Nasani n’azaala Zabadi.

³⁷ Zabadi n’azaala Efulali,

ne Efulali n’azaala Obedi.

³⁸ Obedi n’azaala Yeeku,

ne Yeeku n’azaala Azaliya.

³⁹ Azaliya n’azaala Kerezi,

ne Kerezi n’azaala Ereyaasa.

⁴⁰ Ereyaasa n’azaala Sisumaayi,

ne Sisumaayi n’azaala Sallumu.

⁴¹ Sallumu n’azaala Yekamiya,

ne Yekamiya n’azaala Erisaama.

^42 (Q)Omwana omukulu owa Kalebu muganda wa Yerameeri,

ye yali Mesa, ate Mesa n’azaala Zifu.

Zifu n’azaala Malesa, Malesa n’azaala Kebbulooni.

⁴³ Batabani ba Kebbulooni baali

Koola, ne Tappua, ne Lekemu, ne Sema.

⁴⁴ Sema n’azaala Lakamu,

ne Lakamu n’azaala Yolukeyaamu.

Lekemu n’azaala Sammayi.

^45 (R)Mutabani wa Sammayi n’azaala Manoni,

ne Mawoni n’azaala Besuzuli.

⁴⁶ Efa omukazi omulala owa Kalebu yamuzaalira

Kalani, ne Moza ne Gazezi.

Ate Kalani n’azaala omulenzi gwe yatuuma Gazezi.

⁴⁷ Batabani ba Yadayi baali

Legemu, ne Yosamu, ne Gesani, ne Pereti, ne Efa ne Saafu.

⁴⁸ Ate era Kalebu yalina omukazi omulala, Maaka eyamuzaalira

Seberi ne Tirukaana.

^49 (S)Mukazi we oyo yazaalayo n’omwana omulala erinnya lye Saafu, eyazaala Madumanna.

Seva n’azaala Makubena ne Gibea.

Muwala wa Kalebu ye yali Akusa.

^50 (T)Abo be baali bazzukulu ba Kalebu.

Batabani ba Kuuli baali Efulaasa omuggulanda,

Sobali n’azaala Kiriyasuyalimu, ⁵¹ Saluma n’azaala Besirekemu, ne Kalefu n’azaala Besugaderi.

⁵² Sabali eyazaala Kiriyasuyalimu, yalina abaana abalala nga be ba

Kalowe, ne kimu kyakubiri eky’Abamenukosi, ^53 (U)n’ebika ebya Kiriyasuyalimu nga be ba Abayisuli, n’Abapusi, n’Abasumasi, n’Abamisulayi. Muno mwe mwasibuka Abazolasi n’Abayesutawooli.

^54 (V)Batabani ba Saluma baali

Besirekemu, n’Abanetufa, Atulosubesuyowabu, ne kimu kyakubiri eky’Abamanakasi, Abazooli, ^55 (W)n’ebika by’abawandiisi b’amateeka abaabeeranga e Yabezi, nga be b’Abatirasi, Abasimeyasi, n’Abasukasi. Bano be Bakeeni abasibuka mu Kammasi, era be baavaamu oluggya lwa Lekabu.