Engero 31

Endagaano Enkadde nʼEndagaano Empya

^2 (B)Ggwe mutabani wange, ggwe mutabani w’enda yange,
    ggwe mutabani w’obweyamo bwange.
^3 (C)Tomaliranga maanyi go ku bakazi,^[a]
    newaakubadde amaanyi go ku abo abazikiriza bakabaka.

^10 (J)Omukazi omwegendereza ani ayinza okumulaba?
    Wa muwendo nnyo okusinga amayinja ag’omuwendo ennyo.
^11 (K)Bba amwesiga n’omutima gwe gwonna,
    era bba talina kyonna kya muwendo ky’abulwa.
¹² Aleetera bba essanyu so tamukola kabi,
    obulamu bwe bwonna.
^13 (L)Anoonya ebyoya by’endiga n’anoonya ne ppamba,
    n’akola emirimu gye mu ssanyu eritayogerekeka.
¹⁴ Ali ng’ebyombo by’abasuubuzi,
    aleeta emmere okuva mu nsi ezeewala.
¹⁵ Agolokoka tebunnakya,
    n’awa ab’omu nnyumba ye ebyokulya,
    n’agabira abaweereza be abawala be abaweereza emirimu egy’okukola.
¹⁶ Alowooza ku nnimiro n’agigula;
    asimba ennimiro ey’emizabbibu n’ebibala by’emikono gye.
¹⁷ Omukazi oyo akola n’amaanyi omulimu gwe,
    emikono gye gikwata n’amaanyi emirimu gye.
¹⁸ Ayiiya ebyamaguzi ebirimu amagoba n’abisuubula,
    era n’ettabaaza ye ekiro tezikira.
¹⁹ Anyweza omuti oguluka ppamba mu mukono gwe,
    engalo ze ne zikwata akati akalanga.
^20 (M)Ayanjululiza abaavu omukono gwe,
    n’agololera omukono gwe oyo ali mu bwetaavu.
²¹ Mu biseera by’obutiti taba na kutya,
    kubanga ab’omu nnyumba ye bonna baba n’engoye ez’okwambala.
²² Yeekolera ebibikka obuliri bwe,
    era engoye ze za linena omulungi, za ffulungu.^[b]
23 (N)Bba amanyibbwa,
    y’omu ku bakulu abakulembera ensi, era ateeseza mu nkiiko enkulu.
²⁴ Omukazi atunga ebyambalo ebya linena n’abitunda,
    n’aguza abasuubuzi enkoba.
²⁵ Amaanyi n’ekitiibwa bye byambalo bye,
    era tatya ebiro ebigenda okujja.
^26 (O)Ayogera n’amagezi,
    era ayigiriza ebyekisa.
²⁷ Alabirira nnyo empisa z’ab’omu nnyumba ye,
    era talya mmere ya bugayaavu.
²⁸ Abaana be bagolokoka ne bamuyita wa mukisa,
    ne bba n’amutendereza ng’ayogera nti,
²⁹ “Abakazi bangi abakola eby’ekitiibwa
    naye bonna ggwe obasinga.”
³⁰ Obubalagavu bulimba n’endabika ennungi teriiko kyegasa,
    naye omukazi atya Mukama anaatenderezebwanga.
^31 (P)Mumusasule empeera gy’akoleredde,
    n’emirimu gye gimuweesenga ettendo ku miryango gy’ekibuga.